Haukurinn

hmmm, kannski ætti þessi færsla að heita back off the track. Hef varla hreyft legg né lið. Byrjaði á tölvunámskeiði 1.feb og fattaði að ég var að afsala öllum mínum frítími með því að skrá mig í þetta. Yfirferðin er hröð og efnið mikið. Þar sem þetta tekur allan minn tíma hef ég ekki getað sint markmiði mínu í hreyfingu og það sem verra er að ég ét eins og ég sé enn að hreyfa mig. Það er farið að taka sinn toll á líkama og sál að vera í þessari lægð, en það koma tímar og það koma ráð.

Ég var svo heppinn að fá hlaupaskó í jólagjöf og hef ég ákveðið að halda þeim. Þegar maður fer að skoða hlaupaskó á þessu leveli þá fer faranlegur tími í pælingar um styrkingar og mýkt, sem betur fer hafa bræður mínir nýlega velt sér upp úr þessu sem auðveldaði mér valið. Það er frekar súrt að horfa á þessa fínu skó og nota þá ekkert.  En þetta lagast. Ég skal ná að búa til tíma til þess að hreyfa mig meira en þetta.

Núna er lífshlaupið í gangi og ég fer að verma síðasta sætið í fyrirtækinu mínu, af þeim sem skrá hreyfingu, en fyrirtækið mitt samanstendur af tæknimönnum og bókara. Það er ferlegur árangur ef árangur mætti kalla. Ef einhver á auka tíma í sólarhringnum sem ég gæti notað þá væri það vel þegið. Call me!

Jæja, þá er maður kominn í gang eftir hátíðarnar. Það tók aðeins á að koma sér af stað en alveg frábært.

Ég nýtti tækifærið og fjárfesti í nýrri sundskýlu í Útilíf í Kringlunni. Sú sem ég hef notað hingað til eru svona síðar strandbuxur en þær voru í stærri kantinum á mig. Þannig að stórar buxur sem eru of stórt númer á mig er full mikið af því góða. Þegar ég syndi brignusund í þeim virka þær eins og fallhlíf og ég finn hvað þær toga. Það var þá tilkomið að fara alveg í þver öfuga átt og kaupa minnstu sundskýlu sem til var. Ég var samt ekki til í að fara alveg í speedo breifs en það kemur bara næst. Þessar eru það sem er kallað er “square leg suit”. Ég er búinn að fara tvisvar í þeim í sund og annað hvort eru þær ógeðslega cool eða þá að ég lít fáranlega út í þeim því það eru allir að horfa á mig :S

Spinning er það sem er búið að stunda mest og styrk æfingar. Spinning er ágæt til þess að halda brennslunni uppi og nota aðeins hjólavöðvana en það er bara upp að vissu marki. Það er aldrei eins og að fara út að hjóla. Ég fylgi reyndar ekki alltaf öllum fyrirmælum í þessum tímum vegna þess að mér finnst ég fá meira út úr því að hafa nokkuð þungt á og hjóla lengi heldur en að vera sífellt að skipta um stöðu og þyngd.

Hlaup hafa verið alveg útundan hjá mér en ég verð að fara að bæta úr því. Dauðlangar í nýja hlaupaskó. Þessir sem ég er á eru gömlu Puma hlaupaskórnir sem ég keypti þegar ég var 18 ára og það er frekar langt síðan það var, því miður.

Framundan er að Stebbi er búinn að kaupa trainer sem maður skellir undir hjólið í stofunni hjá sér. Hann er búinn að hóta því að lána mér kvikindið og ég bíð spenntur. Dæmi um trainer. Græjan er stillanleg í þyngd og halla auk þess sem að tölva segir til um watt orku sem maður skilar, hraða og púls. Einnig er hægt að þyngja í tölvunni þannig að hægt er gera eitthvað program. Hægt er að fá sérstaka training DVD diska sem maður skellir í tækið og bull svitnar svo fyrir framan sjónvarpið og fyrir framan familíuna. Ég er að spá í að taka þann pakkann á þetta. Einnig ætla ég að skella speed/cadance mælinum á hjólið, reyna að documenta þetta í bak og fyrir.

Úff.

Ekkert nennt að skrifa á þetta. Desember byrjaði með prófum og verkefnaskilum og svo tók vinnan við. Hef lítið hreyft mig, úbs.

Það eru spennandi dagar framundan. Stebbi keypti trainer til þess að mounta undir hjólið þannig að hann getur svitnað inni í stofu. Var búinn að fá nóg af þrekhjólinu sem var með sæti á við lazyboy stól. Hann ætlar að lána mér þetta til þess að gera prófanir með cadance og power.
Tengdó splæsti í speed og cadance mæli fyrir Garmin úrið þannig að nú fer að koma meira data úr hverjum túr. En nú er 2010 að ganga í garð og ég kasta á ykkur hátíðarkveðjum. Sjáumst á nýju ári.

Örvar bróðir ákvað að taka út blómabeð hjá sér og stækka planið fyrir framan húsið sitt. Þá þarf að steypa, og hver í hvern á maður hringja þegar maður þarf að steypa. Steypumann! Eftir að tæknileg atriði voru leyst, eins og rafmagn, var farið að moka í vélina. Steypumann tók vel á því og fékk steypan að flæða eins og engin væri morgundagurinn. Það var gaman að vera steypumann í einn dag en ég held að það sé mjög erfit til lengdar.

Steypu section